وەزارەتا ساخلەمییا حکومەتا ھەرێما کوردستانێ ئامارێن ٢٤ دەمژمێرێن بوری بەلاڤکرن ، ٥٦ کەسێ دی تووشی کۆرۆنایێ بوون.
وەزارەتا ساخلەمییا حکومەتا ھەرێما کوردستانێ ئەڤرۆ رۆژا پێنجشەمبێ راگەھاند: د ٢٤ دەمژمێرێن بوری ٤ ھزار پشکنین ھاتنە کرن، ٢ ھزار و ٥٦ یێن دھۆکێ نە. ژ ٥٦ کەسێن تووشبووی ٢٤ کەس ل دھۆکێ تووش بووینە، ھەروەسا ٣ کەسان ب کۆرۆنایێ ل کوردستانێ گیان ژ دەستدایە، ٢ ل دھۆکێ و ١ ل سلێمانیی. دیسان ٤٠١ ب تەمامی چارەسەربووینە، ژ وان ژی ٣١٠ یێن پارێزگەھا دھۆکێ نە.
ھەتا نوکە ١٠٦ھزار و ٣٤٣ کەس ل کوردستانێ تووشی کۆرۆنایێ بووینە و ٣ ھزار و ٤٨٠ کەس گیان ژ دەستداییە و ١٠٠ ھزار و ٤٤٧ کەس ب تەمامی چارەسەربووینە.
