ریڤەبەرێ سەنتەرێ ئازادی یێ نەخۆشیێن پەنجەشێری ل دھۆکێ راگەھاند؛ خزمەتێن ل دهۆكێ ھاتینە پێشکێشکرن بۆ سالا ٢٠١٩ێ پتر ژ ١٧ ھزار نەخۆشان مفاداربووینە و سالا ٢٠٢٠ێ ژی پتر ژ ١٤ ھزار کەسان مفادار بووینە کو پتریا وان ژی نەخۆشێن جۆری خوینێ بوون.
د. زەکی عەلی بەرواری رێڤهبهرێ سهنتهرێ ئازادی یێ چارهسهرییا نهخۆشیێن خوینێ، د پرێس کونفرانسەکی دا راگههاند؛ سەرەرایێ نەخۆشییا کۆرۆنایێ و قەدەغەیا ھاتن و چوونێ سەنتەرێ پەنجەشێری نەھاتییە داخستن و بەردەوام خزمەت پێشکیشی نەخۆشان کریە ھەروەسا سندۆقا نەخۆشییا پەنجەشێرێ ل ھەرێمێ زۆر خزمەتا خەلکێ دکەت، ھەر دەرمانەکێ ب بھا بیت ژ سندۆقا پەنجەشێرێ دھێتە دابینکرن و نەخۆشێن پێدڤی ب چاندنا مەژیێ ھەستی بن ل سەر ئەرکێ حکومەتا کوردستانێ بۆ دەرڤەی وەلاتی دھێنە رەوانەکرن.
رێڤهبهرێ سهنتهرێ ئازادی یێ چارهسهرییا نهخۆشیێن خوینێ خویا ژی کر، ل سالا ٢٠١٩ێ ھەموو جۆرێن پەنجەشێرێ ل دھۆکێ ھزار و ٣١٠ بووینە كو ٥٩٥ زەلام بوون یێن دی ژی ژن بوون و ل سالا ٢٠٢٠ێ ٧٠٠ نەخۆش ھاتینە تۆمارکرن کو رێژا تووشبوونێ كێمبوویه و ٢٩٢ نەخۆشێن پەنجەشێری ل سالا بوری گیانێ خوه ژ دەستداینه.
د. زەکی، گۆت ژی: داخواز ژ حکومەتێ دکەین نەخۆشخانا پەنجەشێری ل دھۆکێ بھێتە ئاڤاکرن و سەنتەرەکێ دی بۆ نەخۆشێن پەنجەشێری دھێتە دروستکرن و پارە ژی ھاتییە تەرخانکرن، ھەروەسا پرۆژەکێ دی بۆ دھۆکێ ھاتییە بەرھەڤکرن ئەو ژی سەنتەرێ چاندنا مەژیێ ھەستی دێ ل دھۆکێ ھێتە ئاڤاکرن.
چنار ئهحمهد، خانی نیوز
