رێڤەبەرێ رێکخراوا ئێزدی یا دکیۆمێنتکرنا کەیسێن ئێزدیان تایێ شنگالێ بو خانی نیوز دیارکر: ئەڤرۆ سپێدێ ١٠٤ رۆفاتێن خەلکێ گۆندێ کۆچوو د رێوسمەکێ دا گەهشتنە شنگالێ و نها ل سەربازگەهێ شنگالێ دانە.
خەیری علی دیارکر ژی: نها ژلایێ لایەنێن حکومی و رێکخراوێن بیانی وخەلکێ شنگالێ ڤە ئامادەکاری بو ڤەشارتان وان رۆفاتان دهێنەکرن و بریار ئەوە سوباهی دەمژمێر ٩ سپێدێ د رێورەسمەکێ ئاینێ ئێزدی و گێرانا دەف و شەبابا دا روفاتێن قوربانیێن گۆندێ کۆچوو کو ل سالا ٢٠١٤ ژلایێ داعش ڤە ب ساخی د گۆرێن کۆم دا بن ئاخکربوون بهێنە ڤەشارتن.
خەیری ئاشکراکر ژی دهێتە پێشبینیکرن خەلکێ شنگالێ و نوونەرێن رێخراوێن بیانی و ناڤخوویی و بەرپرسێن دام و دەزگەهێن حزبی و حکومی یێن ئێراقێ و هەرێما کوردستانێ یێن ناڤدەولەتی ئامادەبن.
