فەرمانبەرێن سکرێ دھۆکێ ژ ٤١ کەسان پێکدھێن و سەر ب وەزارەتا ژێدەرێن ئاڤێ یا حکومەتا ئیراقا فیدرال ڤەنە و پێنچ ھەیڤە مووچێ وان گیروبوویە و نەھاتیە دان، ئەڤرۆ ب رێکا بەیانامەکێ مانگرتنا خوە ژ دەوامێ راگەھاند و پەیامەک ئاراستەی حکومەتا ئیراقێ کر و داخوازا پێدانا مووچێن خوە کرن.
عەبدوللا عەباس، رێڤەبەرێ گارگێری یێ سکرێ دھۆکێ بۆ خانی نیوز دیارکر: وان د بەیانا خوە دا داخواز ژ وەزارەتا ژێدەرێن ئاڤێ یا حکومەتا ئیراقێ کریە مووچێن وان مەزێخن و ئەگەرێ گیرۆبوونا وان ژی دیارکەن، ژبەرکو ھەر دەمێ کێشەکا سیاسی د ناڤبەرا ھەرێمێ و بەغدا دروست دبیت ئەو دبنە قوربانی و مووچێن وان گیرۆ دکەن.
ناڤھاتی خویاکر ژی، ھەکە بەغدا مووچێن وان نەدەن بلا ب نڤیسارەکا فەرمی حکومەتا ھەرێمێ ئاگەھدار بکەن ل وی دەمێ حالێ مە ب حالێ فەرمابەرێن ھەرێمێ.
