پارێزگارێ نوو یێ ھەولێرێ راگەھاند، دۆسەیا بەرنامە و کارنامەیێن کارێن فرسەت سۆفی ل بەر دەستێن وی دانە و ئامادەکاری بۆ کرینە کو دێ کارێن وی تەمام کەین.
ئومێد خۆشناو، پارێزگارێ نوویێ ھەولێرێ ئەڤرۆ دوشەمبی پشتی ژ جڤاتا پارێزگارییا ھەولێرێ باوەری پێ ھاتییە دان سەرەدانا گۆرێ فرسەت سوفی، پارێزگارێ وەغەرکریێ ھەولێرێ کر و راگەھاند، ئەو د گەل ئێک ھەڤال بوون د کارێن قوتابیان و لاواندا و پشتی پێنج سالێن ب زەحمەتێن پەرلەمانی پێکڤە بووین.
گۆت ژی: دەمێ بەحسێ بەربژێرکرنا من بۆ پۆستێ پارێزگارێ ھەولێرێ ھاتییە کرن بریارەکا زۆر ب زحمەت بوو، بەلێ ئەڤرۆ بەرامبەری جڤاتا پارێزگەھێ و ل سەر گۆرێ برایێ جوانەمەرگ رادگەھینم کو دۆسەیا بەرنامە و کارنامەیێن کارێن فرسەت سۆفی ل بەر دەستێن وی دانە و ئامادەکاری بۆ کرینە و ب پشتەڤانیا خودایێ مەزن دێ کارێن وی تەمام کەین.
ئومێد خۆشناو ئەڤرۆ د کۆمبوونا جڤاتا پارێزگەھێ دا ب دەنگێ ١٨ ئەندامێن جڤاتێ وەکو پارێزگارێ نوو یێ ھەولێرێ ھاتە ھەلبژارتن.
