زهكیا سهید سالح بریكارا وهزارهتا كار و كاروبارێن جڤاكى یا حكومهتا ههرێما كوردستانێ بۆ خانى نیوز راگههاند: ژ بۆ پرۆسهیا چاكسازیێ لژنكا بلند ل سهر ئاستێ دیوانا وهزارهتێ ب سهرۆكاتییا وهزیرا كاروبارێن جڤاكى پێكهاتییه، ههروهسا لژنهك هاتییه دروستكرن ل سهر ئاستێ وهزارهتێ و ئاستێ دیوانا وهزارهتێ.
زهكیا سهید سالح دیاركر ژى كو پرۆسهیا چاكسازیێ ل وهزارهتا كار و كاروبارێن جڤاكى یا بهردهوامه و چهندین پێنگاڤ هاتینه هاڤێتن، وهكى پێداچوون د دوسهیا فهرمانبهران ههكه ئێكى پلهكا زێده یان مووچهكێ زێده ههبیت، ههروهسا دیاركرنا رێژهیا كهمئهندامیێ و رێكخستنا مووچهى و ئهو كهمئهندامێن دوو مووچه وهردرگن كو فهرمانبهرێن میرینه و مووچێ خۆ ژ وێ وهزارهتێ وهردگرت و د ههمان دهمدا ژى ژ وهزارهتا كار و كاروبارێن جڤاكى ژى هاریكاریهك وهرگرت، بۆ رێكخستنا ڤێ هاریكاریێ وان پرۆژهیهك دایه جڤاتا وهزیران بۆ هندێ ئهو هاریكارى ژ وهزارهتا كار و كاروبارێن جڤاكى بكهڤیته سهر مووچێ وان.
گۆت ژى: ئهو دێ خێزان ههژار ژى دهستنیشان كهن ژ بۆى كو حكومهت هاركاریا وان بكهت، ب ڤى رهنگى دێ پرۆسا چاكسازیێ یا بهردهوام بیت ههتاكو ب دوماهیك دهێت.
خانى نیوز، چنار ئهحمهد
