رەمەزان حەمزە شاره‌زایێ بوارێ جیۆلۆجی بۆ خانی نیوز راگەھاند: مەترسییا ھشکە سالیێ یا بەردەوامە ژبەرکو ئەو رێژا بارانا بێدڤی تا نوکە نە بارییە، و ئەگەر د رۆژانێن بھێت دا باران ب باریت ژی د بیاڤێ چاندنێ دا ئەرد مفایی ژێ وەرناگریت.
رەمەزان حەمزەی، ئاماژە ب ھندێ ژی دا کو ئه‌ڤ ساله بەرھەمێ جۆتیاران دێ یێ لاواز بیت، ژبەرکو ئەگەر باران بارین دوەختێ خودا نە باریت چ گرنگی ل سەر بەرھەمێن چاندنێ نابن.
شاره‌زایێ بوارێ جیۆلۆجی ئاشکرا ژی کر: کو ئاڤا ژێر ئەرد ژی مفایی ژ بارانێن ئەڤ سالە نابینیت، ئەو رێژا بارانا باری ب تنێ مفا بۆ ژینگەھێ هه‌بوویه و دیارکرژی کو پێشبینییا هنده‌ك شه‌پۆلێن دى یێن بارانێ د وەرزێ بوھارێ دا ھەنە، لێ بارانا دره‌نگى هیچ مفایه‌ك ژ بۆ جۆتیاران نینه.
خانى نیوز، چنار ئه‌حمه‌د
