ئەڤرۆ دووشەمبی ٨-٢-٢٠٢١ێ مەسرور بارزانی سەرۆکێ حکومەتا ھەرێما کوردستانێ سەرپەرشتییا کۆمبوونا لژنا بلندا جێبەجێکرنا یاسایا چاکسازیێ کر.
ل گۆری راگەھاندنا سەرۆکاتییا حکومەتێ ھەرێمێ، د کۆمبوونێ دا گۆتوبێژ دەربارەی پێنگاڤێن جێبەجێکرنا یاسایا چاکسازیێ د مووچی و دەرمالە و بەخشین و ئیمتیازات و خانەنشینێ ل وەزارەتێ و دامودەزگەھێن حکومەتا ھەرێما کوردستانێ ھاتنە کرن.
سەرۆکێ حکومەتێ ئاماژە ب ھندێ دا کو ئارمانج ژ چاکسازیێ پەیداکرنا دادپەروەری و پاراستنا مافێن خەلکێ ژ ھەژی یە، دووپات ژی کرییە کو چاکسازی پرۆسەیەکا بەردەوامە و سەرجەم کەرتان ب خۆڤە د گریت و حکۆمەتا ھەرێما کوردستانێ یا رژدە ل سەر درێژە پێدان ب چاکسازییا کارگیری و دارایی و نەھێلانا گەندەلیێ.
د کۆمبوونێ دا عەبدولحەکیم خسرۆ سکرتێرێ لژنا بلندا جێبەجێکرنا یاسایا چاکسازیێ، پێنگاڤێن جێبەجێکرنا یاسایا چاکسازیێ دیارکرن. پاشی وەزیرێ پەیوەندیان ل دووڤ تایبەتمەندییان راپۆرتا خۆ سەبارەت بەرەڤپێشچوونا جێبەجێکرنا یاسایا چاکسازیێ ب ژمارە و زانیارێن پێدڤی پێشکێشکرن، کو یا تایبەت بوو ب بابەتێن مووچە و ئیمتیازات و خانەنشین و رێکخستنا ھێزێن پێشمەرگەیی و نەھێلانا رووتینی د ناڤ رێڤەبەر و دامودەزگەھێن حکومی دا.
پشتی گۆتوبێژان ژمارەیەک راسپاردە بۆ کومبوونا جڤاتا وەزیران دیارکرن ب مەبەستا تەمامکرنا پێنگاڤێن جێبەجێکرنا یاسایا چاکسازیێ.
