ئاژانسا ھەوالگری و ڤەکۆلینێن فیدرالی یا سەر ب وەزارەتا نافخۆ یا ئیراقێ دەستەسەرکرنا ١٥ تیرۆریستێن داعشێ ل پارێزگەھا نەینەوا راگەھاند.
لگورەی راگەھاندنا ئاژانسا ھەوالگری و ڤەکۆلینێن فیدرالی یا سەر ب وەزارەتا نافخۆ یا ئیراقێ راگەھاند؛ ئەڤرۆ د چەندین ئۆپەراسیۆنێن ئەمنیدا ١٥ تیرۆرستێن داعشێ ل چەندین دەڤەرێن جودا یێن سنۆرێ پارێزگەھا نەینەوا دەستەسەرکرن کو لگورەی ماددێ ٤ یێ تیرۆرێ د داخوازکری بوون، د ڤەکۆلینان دا وان تیرۆرستان دانپێدان كرینه كو ل دەما دەڤەر د بن کۆنترۆلا داعشێ دا ب کریارێن تیرۆری ل بن ناڤێن جودا ل کەرتێن دیجلە و دیوانا جۆند و سەربازگەھێن گشتی و فرقا فۆرقان کرن، ههروهسا خەلکێ سڤیل و ھێزێن ئەمنی دکرنە ئارمانج.
ل کانوونا ئێکێ یا سالا ٢٠١٧ ێ، ھێزێن ئەمنی یێن ھەڤپشک یێن ئیراقێ ب پشتەڤانییا ھەڤپەیمانییا ناڤدەولەتی یا دژی داعشێ کۆنترۆلکۆنا ھەموو وان دەڤەران راگەھاند یێن داعشێ ل سالا ٢٠١٤ێ داگیرکرین، لێ تا نھا شانێن نڤستی یێن داعشێ ل پارێزگەھێن دیالە و کەرکووک و نەینەوا و سەلاحەدین و ئەنبارێ لڤینان دکەن و کریارێن تیرۆرستی ئەنجام ددەن.
