فه‌رمانده‌كێ سوپایا ناڤه‌ندی یا ئه‌مریكا هۆشدارى ژ دوباره ڤه‌گه‌ریانا داعشێ دان.
جه‌نه‌رال كێنز مێكنزى، فه‌رماندێ سۆپایێ ئه‌مریكا ل كۆربه‌نده‌كێ په‌یمانگه‌ها رۆژهلاتا ناڤه‌راست راگه‌هاند؛ داعش ل سه‌ر هێرشێن خوه ل سووریا و ئیراقێ به‌رده‌وامه و بزاڤێن دوباره رێكخستنێ دكه‌ت.
مه‌كێنزى ل دۆر ئاسته‌نگێن ل هه‌مبه‌ر به‌رژه‌وه‌ندیێن ئه‌مریكا ل رۆژهلاتا ناڤه‌راست دا گۆت: ئیران مه‌زنترین ئه‌گه‌رێ نه‌سه‌قامگیرییا رۆژهلاتا ناڤه‌راسته و ئیران ژێده‌ره‌كێ مه‌زنێ نه‌سه‌قامگێرییا ئیراقێ یه و بۆ خوه وه‌ك گۆره‌پانا شه‌ڕی ل دژی ئه‌مریكا بكاردئینیت.
خویا ژی كر، زیده‌ترى 40 سالایه رژێما ئیرانێ پشته‌ڤانییا دارایی بۆ رێكخستنێن تیرۆری دكه‌ت و بنه‌مایێن ناڤده‌وله‌تى ب رێكا كارێن شه‌رانگێزى پێشێلكرینه كو نه بتنێ ئارامییا ده‌ڤه‌رێ تێكدایه، به‌لكو ئاسایش و بازرگانییا جیهانێ ژى تێكدایه.
مه‌كێنزى هۆشدارى ژ زێده‌بوونا شیانێن بكارئینانا فرۆكێن بێ فرۆكه‌ڤان ل رۆهلاتا ناڤه‌راست دا و گۆت: نه‌خۆشترین پێشڤه‌چوونا ته‌كتیكی و ئامرازه‌كێ نوو یێ شه‌رى یه.
