تویته‌ر: ترامپ دوباره‌ ببیته‌ سه‌رۆك ژى نه‌شێت تویته‌ری بكاربینیت

كۆمپانیا تویته‌ر راگه‌هاندیه‌ كو ئه‌و جاره‌كا دى رێكێ ناده‌ن دۆنالد ترامپ، سه‌رۆكێ به‌رێ یێ ئه‌مریكا دوباره‌ ببیته‌ خودان هه‌ژمار د تۆرا تویته‌رى دا خو هه‌كه‌ دوباره‌ ببیته‌ سه‌رۆكێ ئه‌مریكا.

نێد سیگال، رێڤه‌به‌رێ دارایى یێ كۆمپانیا تویته‌رى د دیداره‌كا تێله‌ڤزیۆنى دا گۆت: بلۆككرنا ترامپى ب شێوه‌كێ ئێكجارى یه‌ و سیاسه‌تا تویته‌رى رێكێ ب وان كه‌سان ناده‌ن یێن هاندانا توندوتیژیێ دكه‌ن.

پشتى ل شه‌شێ كانوونا دویێ ئالیگرێن ترامپى سه‌ر ب ئاڤاهیێ كۆنگرێسێ ئه‌مریكا دا گرتى، كۆمپانیا تویته‌ری هه‌ژمارا ترامپى بلۆككریه و دیاركریه‌ ئه‌و نه‌شێت ئێدى ب هیچ ره‌نگه‌كى تویته‌رى بكاربینیت ژبه‌ر به‌لاڤكرنا تویتێن هاندانا توندوتیژیێ.