دھۆک.. بھایێ پانزینێ گران بوو

ئەڤرۆ بھایێ ئێک لیترا پانزینێ ل پارێزگەھا دھۆکی ٦٥ دینارێن ئیراقی چووینە سەر و وێ یەکێ شۆفێر دلگران کرینە.
شۆفیرەکێ تەکسیێ بۆ خانی نیوز گۆت: بھایێ پانزینێ چ جاران چێگیر نینە، د ڤێ رەوشێ دا گیرۆبوونا مووچەی و گرانبوونا پانزینێ ژی بارێ وان گرانتر لێکریە، د خوازن ژی حکومەت پشتەڤانیا خەلکی بکەت.
ئەحمەد جەلال، نوونەرێ کۆمپانییەکا ڤەگۆھاستنا پانزینێ ل دھۆکێ بۆ خانی نیوز دیارکر: ل رۆژێن بووری لیترا پانزینێ ب بھایێ (٤٢٥) دیناران دھاتە فرۆشتن، لێ نھا بھایێ پانزینێ ٦٥ دینار چووینە سەر و گەھشتیە (٤٩٠) دیناران.
ئەحمەد ئەگەرێ گرانیا پانزینئ بۆ بلندبوونا بھایێ پەترۆلا جیھانی و زێدەکرنا گۆمرکێ ل خالێن سنۆری تایبەتی ئەو پانزینا ژلایێ ئێرانێ ڤە دھێت ڤەگەراند، گۆت ژی: چەند ھۆکارەکێن ناڤخوەیی ژی کارتێکرن ل سەر گرانییا پانزێنێ ھەیە، پێشبینی ژی دکەت ھێشتا گران بیت.

خانى نیوز، عه‌بدوللا عه‌لى