ژ بۆ رێگریکرن ژ لەھیان نھا کار د چێکرنا سۆلینەکا مەزن دا ل کۆمەلگەھا سیریێ یا سەر ب ناحیا شێلادزێ ڤە دھێتە کرن.
ئەندازیار سەربەست حسێن سەرۆکێ باژێرڤانییا شێلادزێ بۆ خانی نێوز راگەهاند:پشتی سەرۆکێ حکومەتا ھەرێما کوردستانێ بریارا بجھئینانا چەند پرۆژەییان ل دەڤەرێ دای نھا کار د چێکرنا سۆلینەیەکا ئاڤرێژێ ب درێژاھیا ٣٦٥م و فرەھیا وێ ١،٥م و بلنداھییا وێ ١،٥م یە و کوژمەیێ ١٤٤ ملیۆن ٩١٨ هزار دیناران بۆ ھاتینە مەزاختن. ھەروەسا ناڤھاتی دا زانین پشتی ب دوماھی ھاتنا ڤی پرۆژەی دێ ئاریشەیا وی تاخی چارەبیتن کو د زڤستانێ دا ئاڤ دچوو مالێن وان ڤە و ھەروەسا ل وەرزێ ھاڤینێ دا ژبەر بێھنا وێ جوویێ ئەو بێزارکرینە.
دھێتە زانین د چەند رۆژێن داھاتی دا دێ بەرێ بنیاتێ بۆ چەند پرۆژەییان ل سنورێ ناحیا شێلادزێ ھێنە دانان.
خانی نیۆز، سامی رێکانی
