گولستان باقى: سوبه‌هى ل په‌رله‌مانی دێ ل دۆر پرۆسا خواندنێ كۆمبین

پشتى كو ل شه‌شێ شواتا 2021ێ ده‌واما قوتابخانان ده‌ست پێكرى، بریاره‌ سوبه‌هى 15-2-2021ێ لژنا په‌روه‌ردێ ل په‌رله‌مانێ كوردستانێ گۆتوبێژان ده‌رباره‌یى ره‌وشا خواندنێ بكه‌ن.

گوڵستان باقی، ئەنداما لژنا پەروەردێ ل پەرلەمانێ كوردستانێ بۆ خانى نیوز راگه‌هاند: پشتى ده‌ستپێكرنا ده‌وامان ل ناڤه‌ندێن خواندنێ، و هه‌تا نوكه‌ ره‌وش یا ل ژێر كۆنترۆلێ دایه‌ و نه‌گه‌هشتیه‌ ئاستێ مه‌ترسیدار، ئه‌ڤه‌ ژى دزڤریته‌ ڤه‌ بۆ رێكارێن خۆ پاراستنێ، د رووونشتنا وان دا  دێ ئه‌نجامێ سه‌ره‌دانێن وان بۆ زانكۆ و په‌یمانگه‌هان هێنه‌ گۆتوبێژكرن.

ئەنداما لژنا پەروەردێ ل پەرلەمانێ كوردستانێ دیار كر ژى كو سوبه‌هى لژنا په‌روه‌ردێ و خواندنا بلند ل په‌رله‌مانێ كوردستانێ دێ كۆمبیت و دێ پێشنیارێن خۆ ده‌نه‌ حكومه‌تێ ده‌باره‌یى ره‌وشا خواندنێ و بلاڤبوونا ڤایرۆسێ كۆرۆنایێ د ناڤ قوتابخانان دا و دیاركرنا هژمارا تووشبوویان.

گوڵستان باقی، ئاماژه‌ ب هندێ ژى دا كو ته‌وه‌ره‌كێ دیێ كۆمبوونێ دێ ل سه‌ر پاداشتێن مامۆستایان بن.

هه‌روه‌سا رۆژا 23-2-2021ێ لژنا بلندا به‌رهنگاربوونا كۆرۆنایێ دیسان دێ كۆمبیته‌ڤه‌ و دێ هه‌لسه‌نگاندنا ره‌وشێ كه‌ت.

خانى نیوز، عه‌بدوللا عه‌لى