ئه‌ڤرۆ دوشه‌مبى 15-2-2021ێ، د. رۆژ نورى شاوه‌یس، ئه‌ندامێ مه‌كته‌با سیاسیا پارتى د ته‌مه‌نێ 74 سالێێ دا ل نه‌خۆشخانه‌كا هه‌ولێرێ وه‌غه‌را داویێ كر. سه‌ركرده‌یێن سیاسى یێن ئیراقێ و هه‌رێما كوردستانێ هه‌ڤخه‌مییا خوه بۆ وه‌غه‌كرنا وى دیاكرینه:
میسال ئالۆسى
سه‌رۆكێ پارتا ئوممه یا ئیراقێ ب ئه‌گه‌رێ وه‌غه‌را ئه‌ندامه‌كێ مه‌كته‌با سیاسییا پارتى، سه‌ره‌خۆشیێ ل سه‌رۆك بارزانى دكه‌ت. میسال ئالۆسى، سەرۆکێ پارتا ئوممە یا ئیراقی د په‌یامه‌كێ دا بۆ سه‌رۆك مه‌سعود بارزانى، د. رۆژ نورى شاوه‌یس، ئه‌ندامێ وه‌غه‌ركریێ مه‌كته‌با سیاسیا پارتى ب تێكوشه‌ره‌كێ مه‌زن ناڤكر. میسال ئالۆسی ب وه‌غه‌ركرنا د. رۆژ نورى شاوه‌یس، سه‌ره‌خۆشیێ ل سه‌رۆك بارزانى و گه‌لێ كوردستانێ یێ خۆ راگر و پارتى كر.
محەمەد حەلبووسی
محەمەد حەلبووسی، سەرۆکێ ئەنجومەنێ نوێنەرانێن ئیراقێ ،بۆ وه‌غه‌را د. رۆژ نوری شاوەیس،پرسه نامه‌كێ به‌لاڤدكه‌ت، و دبێژیت: ب مخابنى ڤى وه‌غه‌را داویێ یا سیاستمه‌دارێ بلند و ئه‌ندامێ مه‌كته‌با سیاسییا پارتی یا دیموكراتا كوردستان د. رۆژ نوری شاوەیس، گه‌هشته‌مه، داخوازێ ژ خودێ دكه‌ین كو سه‌بر و هه‌دارێ ب ده‌ته كه‌س و كارێن وى.
سه‌رۆكایه‌تیا په‌رله‌مانێ كوردستانێ
هه‌روه‌سا سه‌رۆكایه‌تیا په‌رله‌مانێ كوردستانێ ژى سه‌ره‌خۆشى ل مالبات و كه‌س و كارێن خێزانا وه‌غه‌ر كرى د. رۆژ نورى شاوه‌یس كر، و راگه‌هاند: ب مخابنى ڤه ئه‌ڤرۆ وه‌غه‌را داویێ یا پێشمه‌رگێ دێرین و ئه‌ندامێ مه‌كته‌با سیاسییا پارتى یا دیموكراتا كوردستان و سه‌رۆكێ به‌رێ یێ په‌رله‌مانێ كوردستانێ گه‌هشته‌مه، د. رۆژ كه‌سه‌كێ ژێهاتى و سیاستمه‌داره‌كێ ب ئه‌زموون بوو و خزمه‌ته‌كا زۆر بۆ خه‌لكێ كوردستانێ كرییه و رۆله‌كێ مه‌زن هه‌بوو د بزاڤا رزگاریخوازا كوردستانێ و جهێ وى پرنابیته ڤه، ئه‌م سه‌ره‌خۆشیێ ل خێزان و كه‌سوكارێن وى دكه‌ین و دخوازین جهێ وى به‌حه‌شتا به‌رین بیت.
كۆسره ت ره‌سول
كۆسره ت ره‌سول، ژى هه‌ڤخه‌مییا خۆ ب وه‌غه‌را د. رۆژ نورى شاوه‌یس ده‌ربرى و راگه‌هاند: ب مخابنى ڤه ئه‌ڤرۆ نووچێ وه‌غه‌را داویێ یا سیاسته‌مه‌دار و تێكوشه‌رێ گه‌لێ مه و هه‌ڤال و برایێ من د. رۆژ نورى شاوه‌یس، ئه‌ندامێ مه‌كته‌با سیاسیا پارتى یا دیموكراتا كوردستان گه‌هشته مه، د. رۆژى ژیێ خوه و ژیانا خوه هه‌موو بۆ خه‌باتا گه‌لێ خوه ته‌رخانكربوو، ژ ده‌ست دانا وى ژى خه‌مه‌كا مه‌زن بوو، پرسه و سه‌ره‌خۆشی و هه‌ڤخه‌مییا خوه ئاراسته‌ى هه‌ڤالێن خوه ل مه‌كته‌با سیاسییا پارتى یا دیموكراتا كوردستانێ دكه‌م، هیڤیخوازین ئه‌ڤه داوى نه‌خۆشى بیت، و خودایێ مه‌زن سه‌بر و هه‌دارێ بده‌ته كه‌س و كارێن وى.
فراكسیۆنا پارتى ل په‌رله‌مانێ كوردستانێ
فراكسیۆنا پارتى ل په‌رله‌مانێ كوردستانێ هه‌ڤخه‌مییا خوه بۆ وه‌غه‌ركرنا د. رۆژ نورى راگه‌هاند و دیاركر: ب مخابنى ڤه ئه‌ڤرۆ نووچێ وه‌غه‌را داویێ یا د. رۆژ نورى شاویس، ئه‌ندامێ مه‌كته‌با سیاسیا پارتى دیموكراتى كوردستان گه‌هشته مه. د. رۆژ نوری شاوەیس، ئێك بوو ژ پێشمه‌رگه و فه‌رمانده‌یێن ئازایێن شۆره‌شا رزگاریخوازا گه‌لێ كوردستانێ، كو رۆله‌كێ به‌رچاڤ د سه‌ركه‌فتنێن شوره‌شێ دا هه‌بوو و د شه‌رێ دژى داعشێ دا وه‌ك فه‌رمانده‌یه‌ك پشكدارییه‌كا كاریگه‌ر هه‌بوو. فراكسیۆنا پارتى گۆتیه ژى: د. رۆژ نوری شاوەیس سەرۆکێ لیستا پارتی بوو ل خولا ئێكێ یا هەڵبژارتنێن پەرلەمانێ کوردستانێ ل ساڵا 1992. ژ دەست دانا وى زیانه‌كا مه‌زن بۆ پارتی و گەلێ کوردستانێ، فراکسیۆنا پارتی سەرەخۆشیێ ل کەسوکار و هەڤاڵان و هەموو ئەندام و لایەنگرێن پارتی دكه‌ت. خودایێ مه‌زن وى ب به‌حه‌شتێ شاد بكه‌ت و هه‌دارێ بده‌ته هه‌موو لایه‌كى.
ب بوونا وه‌غه‌را داویێ یا د. رۆژ نورى شاوه‌یس، هه‌ڤپه‌یمانا فه‌تح كو ژ لایێ هادى عامرڤه سه‌ركردایه‌تیا وێ دهێته كرن، په‌یامه‌كا سه‌ره‌خۆشیێ ئاراسته‌ى گه‌لێ كوردستانێ و پارتى دیموكراتا كوردستانێ و مالباتا وى دكه‌ت.
هه‌ڤپه‌یمانییا فه‌تح
ئه‌م سه‌ره‌خۆشیێ ل گه‌لێ كوردستانێ دكه‌ین ب گشتى و برایێن پارتى یا دیموكراتى كوردستان ب تایبه‌تى و سه‌ركردایه‌تی و كادرێن وێ حیزبێ دكه‌ین ب بوونا وه‌غه‌را داویێ یا برایێ مه رۆژ نورى شاوه‌یس، جێگرێ به‌رێ یێ سه‌رۆك وه‌زیرێن ئیراقێ.
ئه‌ڤرۆ مه ئێك ژ پشكدارێن هه‌ره كارایێن چه‌سپاندنا ئه‌زموونا سیاسى ل ئیراقێ ژ ده‌ستدا، پشتى گۆرانكاریان و پشتى رێبازا تێكوشه‌رانه یا دوور و درێژ د رووبرووبوونا دكتاتوریه‌تێ مه سه‌ركه‌فتن ئینان.
ژ خودێ دخوازین گیانێ خودێ ژێ رازى ب ره‌حمه‌تا خۆ ب پارێزیت و ب به‌حه‌شتا به‌رین شاد بكه‌ت، و ئارامیێ ب ده‌ته كه‌س و كارێن وان.
مستەفا كازمی
سه‌رۆك وه‌زیرێن ئیراقێ ب بوونا وه‌غه‌را داویێ یا د. رۆژ نوورى شاوه‌یس، سه‌ره‌خۆشى ل سه‌رۆك بارزانى كر.
ئه‌ڤرۆ دووشەمبى 15ی2ی2021، مستەفا كازمی، سەرۆكێ وەزیرانێ حكوومەتا فیدڕاڵا عێراقێ ب رێكا ته‌له‌فونێ پەیوەندی ب سەرۆك بارزانی كر، د وێ په‌یوه‌ندیێ دا سه‌ره‌خوشى و هه‌ڤخه‌میا خۆ ب وه‌غه‌را داویێ یا د. رۆژ نوورى شاوه‌یس ب سه‌رۆك مه‌سعود بارزانى راگه‌هاند
سپێده‌هیا ئه‌ڤرۆ دووشه‌مبى 15-2-2021ێ د. رۆژ نوورى شاوه‌یس، ئه‌ندامێ مه‌كته‌با سیاسیا پارتى د ژیێ 74 سالیێ دا ل نه‌خۆشخانا هه‌ولێرێ وه‌غه‌را دوماهیێ كر.
