مەكتەبا سیاسی یا پارتی دیموكراتی كوردستان، ب ههلكهفتا وهغهركرنا د. رۆژ نوری شاوەیس، ئهندامێ مهكتهبا سیاسی یا پارتی پهیامهك بهلاڤه كرییه و راگههاندییه، ب ڤێ ههلكهفتا خەمناك پرسە و سەرەخۆشیێن خوه ئاراستەی سەرۆك بارزانی و خێزانا وى یا تێكۆشەر و ئەندامێن مەكتەبا سیاسی و جڤاتا سەرکردایەتی و کادر و هەڤالێن پارتی دكەین.
ب خهمهكا مهزن ڤه نووچهیێ وهغهركرنا هەڤالێ تێكۆشەر (د. رۆژ نوری شاوەیس) ئەندامێ مەکتەبا سیاسی یا پارتی رادگەهینین، كو ئهڤرۆ دوشەمبى ١٥ شواتا ٢٠٢١ ب نەخۆشیێ ل ھەولێرا پایتەخت وهغهر كر، ب ڤێ ههلكهفتا خەمناك پرسە و سەرەخۆشیێن خوه ئاراستەی خێزان و تێكۆشەران و سەرۆك بارزانی و ئەندامێن مەكتەبا سیاسی و جڤاتا سەرکردایەتیێ و کادر و هەڤالێن پارتییا خوه دكەین.
د. رۆژ نوری شاوەیس ل سالا 1947 ژ خێزانهكا ناسیار و تێكۆشەرا باژێرێ سلێمانیێ ژ دایك بوویە، نوری شاوەیسێ بابێ وى كەسایەتیهكێ دیار و نیشتیمانپەروەرێ وێ دهڤهرێ بوویه، هەروەسا ناهیدە شێخ سەلام دایكا وى ژنهكا ناسیار و كۆلنەدەر بوویە و ئەنداما كۆمیتا ناڤەندی یا پارتییا مه بوویه.
د. رۆژ نوری شاوەیس ل سالا 1962 پەیوەندی ب رێزین پێشمەرگێ كوردستانی كرییه، ل سالا (1971) كۆلیژا ئەندازیاری ل زانکۆیا موسل تەمام كرییه، پاشى باوهرناما ماستهرێ و دكتۆرایێ ل ئەندازەیا كارەبێ ل ئەلمانیا وەرگرتییە، ل سالا (1979) د (كۆنگرێ نههێ) یێ پارتی دا وەك ئەندامێ كۆمیتا ناڤین یا پارتى هاتییه ههلبژارتن.
ل سالا (1983) بوویه ئەندامێ مەكتەبا سیاسی یا پارتی، هەروەسا ل سالێن (1987-1988) وهكو فەرماندهكێ سەربازی پشكداری و فەرماندەیی چەندین شەرێن ل دژی رژێما داگیرکەر دا كرینه، وهكو داستانا خواكوڕكى، کانی ماسێ، دیرەلوکێ و بامەڕنێ.
د ژیان پارتایەتی و سیاسی و حكومی دا چەندین بهرپرسیارهتى وهرگرتینه و نوونهراتییا دەهان شاندێن حزبی و حكومی كرینە، ژ وانا: ئەندامێ جڤاتا نیشتیمانیا كوردستانێ (خولا ئێكێ ) ل سالا (1992)، سالا(1993) جێگرێ سەرۆكێ جڤاتا وەزیران (كابینا ئێكێ و دویێ)، ل سالا (1996) بوویه سەرۆكی جڤاتا وەزیران (كابینا سییێ) ل سالا (1999) ب سەرۆكێ جڤاتا نیشتیمانی یا كوردستانێ هاتییه ههلبژارتن، سالا (2003) بوویه جێگرێ سەرۆک کۆمارى و ل (2005) بوویه جێگرێ جڤاتا وەزیرێن ئیراقا فیدرال.
خودێ ژێ رازى سەرکردە و كادرهكێ دێرین یێ دلسۆز و وەفادارێ رێبازا بارزانی بوو، ههروهسا پشكداری د هەردو شۆرهشین مهزن یێن ئەیلول و گوڵانا پێشكەفتنخواز دا كرینه، ل سالا (٢٠١٠) مهدالیا (بارزانیێ نەمر ) پێ هاتییه بهخشین.
