ب خه‌مگینییه‌كا كوور، خه‌به‌رێ كۆچا داویێ یا سیایه‌تمه‌دار و پێشمه‌رگه‌هێ ئازا و فه‌رمانده‌یێ ب شییان و تێكۆشه‌رێ ناسیارێ كوردستانێ و ئه‌ندامێ مه‌كته‌با سیاسی یا پارتی، دكتۆر رۆژ نووری شاوه‌یس ئه‌ز ژ ناخێ خوه خه‌مباركرم.
دكتۆر رۆژ و بنه‌مالا وی یا نشتیمانپه‌روه‌ر، رۆله‌كێ دیار و گرنگ د ته‌ڤگه‌را رزگاریخوازا گه‌لێ كوردستانێ دا هه‌یه و ب وه‌غه‌ركرنا وی گه‌لێ كورد تێكۆشه‌ره‌كێ مه‌زن و سیاسه‌تمه‌داره‌كێ ب ئه‌زموون ژ ده‌ستدا كو د هه‌موو ئه‌رك و به‌رپرساتی یێن گرنگ یێن هه‌رێما كوردستانێ و ئیراقێ دا هه‌بوو، داخوازكه‌ره‌كێ بهێزێ مافێن گه‌لێ كوردستانێ بوو و نموونه‌یا وه‌فاداری یێ بوو.
سه‌رۆكێ حكومه‌تێ دیار ژی كرییه، ب ڤێ هه‌لكه‌فتا خه‌مگین، په‌یام و سه‌ره‌خۆشیێ ل جه‌نابی سه‌رۆك بارزانی، سه‌ركردایه‌تی و ئه‌ندامێن پارتی دیموكراتی كوردستانێ و خوه و بنه‌مالا دكتۆر رۆژ یا تێكۆشه‌ر دكه‌م و داخواز ژ خودایێ مه‌زن دكه‌ت گیانێ وی ب به‌هشتێ شاد بكه‌ت و ئارامیێ بده‌ت هه‌موویان.
خه‌بات و تێكۆشانا دكتۆر رۆژ هه‌ر دێ ل بیرا وان ب زیندی مینیت
