سەرۆکوەزیرێن ھەرێما کوردستانێ و وەزیرێ دەرڤەیێ ئەمریکا د پەیوەندییەکا تێلەفۆنی دا بەحسی ھێرشا مۆشەکی یا شڤێدی ل سەر ھەولێرێ کر.
مەسروور بارزانی دتویتەکی دا راگەھاند، د پەیوەندییەکا تێلەفۆنی دا د گەل ئانتۆنی بلینکن، وەزیرێ دەرڤەیێ ئەمریکا، بەحسی ھێرشا ترسنۆکا ل سەر ھەولێرێ کر و دوپاتی ل ھەماھەنگییا بەردەوام کر بۆ دیتنا تاوانباران.
مەسروور بارزانی پێشتر ژی د تویتەکی دا ئەو ھێرشا مۆشەکی یا شڤێدی ل سەر ھەولێرێ شەرمزار کربوو و داخواز ژ کوردستانییان کربوو ئارام بن.
مەسروور بارزانی ئاشکرا ژی کر، ھێزێن ئێمناھیێ دەست ب لێکۆلینێن چڕ کرییە و دگەل مستەفا کازمی، سەرۆکوەزیرێن ئیراقێ ژی د پەیوەندییێ دانە.
