نێچیرڤان بارزانی پهیامهك ژ بۆ هێرشا شڤێدی یا سهر ههولێرێ راگههاند و گۆت: هێرشا تیرۆری یا ل شهڤا بۆری بۆ سهر ههولێرێ و بوویه ئهگهێ گیان ژ دهستدانا كهسهكی و برینداربوونا نههـ كهسێن دی كو هژمارهكا وان ئهمریكی نه، ب تووندی شهرمزار دكهن و سهرهخۆشیێ ل كهس و كارێن قوربانییان دكهت و ب هیڤییا زوو چارهسهربوونا برینداران دكهت، نێچیرڤان بارزانی د پهیاما خوه دا داخواز ژ جڤاتا ئاسایشا نێڤدهولهتی و نهتهوهیێن ئێكگرتی كر، مهترسییا وان هێرشان زۆر ب جدی وهربگرن، كار بكهن ژ بۆ رێگرتن و نههێلانا گهفان ل سهر خهلكێ ههرێما كوردستانێ ب رێكا هاندانا حكومهتا ئیراقێ ب بجهئینانا دهستورێ ئیراقێ و ب تایبهتی ماددهیێ 140.
سهرۆكێ ههرێمێ د تهمامیا پهیاما خوه دا گۆت: داخواز ژ سهرۆكێ وهزیران و فهرماندێ گشتی یێ هێزێن چهكدار و هێزێن ههڤپهیمانان دكهت، میكانیزما ههماههنگیێ د گهل حكومهتا ههرێمێ زۆر ب لهز بێخنه كاری، ههروهسا هێزێن ئاسایش و پێشمهرگه د گهل سوپا و هێزێن ئیراقی ب پشكدارییا ههڤپهیمانان ل وێ ناڤچهیێ پێكڤه كار بكهن.
نێچیرڤان بارزانی دیار كرییه، نهبوونا ههماههنگیێ و ههبوونا هێز و گروپێن چهكدارێن دهرڤهی فرمان و دهستههلاتا حكومهتا فیدرال بووینه ئهگهرێ ئالۆزیێن ناڤچێ و گهفێن بهردهوام بۆ سهر ههرێمێ پهیداكرینه، ب وێ یهكێ ژی داخوازێ ژ سهرۆكوهزیرێن ئیراقێ دكهت لژنهكا ههڤپشكا بلهز یا حكومهتێن ههرێم و ئیراقێ بۆ لێكۆلینان دهستبكاربیت و ب زووترین دهم هێرشبهران دیاربكهن و ل گۆر یاسایێ بهێنه سزادان.
