نێچیرڤان بارزانی سەرۆکێ هەرێما کوردستانێ راگەهاندنەک ل دۆر بریارا دادگەها هەولێرێ ل ٥ گرتیێن بەهدینان بەلاڤکر و راگەهاند: بریارا دادگەهێ ل دۆر سزادانا چەند راگرتییەکێ نیگەرانی دروستکریە، لێ ئەو نە بریارا دووماهیێ یە. ل دووڤ یاسایێ مافێ سزاداییانە کو تانەی ل وێ بریارێ بدەن.
سەرۆکێ هەرێمێ گۆتییە ژی: ئەرکێ دادگەها پێداچوونێ ئەوە ب پشت بەستن و رێزگرتن ل یاسایێ و مافێن مرۆڤێ و مافێ یاسایی یێ سکالا لێکری و سکالاکەر پێداچوونێ ب کەیسێ دا بکەت تاکو هەموو هەست بکەن وەکو ئێک مافێ وان هاتییە پاراستن.
د بەشەکێ دی یێ راگەهاندنا خوە دا سەرۆکێ هەرێما کوردستانێ دیارکریە: ئەو دێ چاڤدێرییا وێ پرسێ کەن و جەختی ل سەروەرییا یاسایێ و رێزگرتن ل سەربەخۆیی یا بریارا دادگەهێ و پرەنسیپێن مافێن مرۆڤی دکەن. دڤێت یاسا سەروەر بیت و هیچ لایەنەک و کەسەکێ مافێ دەستوەردانێ د کاروبارێ دادگەهێ دا نینە.
