سى دى سى: پێله‌كا نوو یا توشبوونێ ب كۆرۆنایێ دێ سه‌رهلده‌ت

سه‌نته‌رێ كۆنترۆلكرن و رێگرتنێ ژ نه‌خۆشییان ل ئه‌مریكا هۆشدارییێ ژ سه‌رهلدانا پێله‌كا نوو یا په‌تایا كۆرۆنایێ دده‌ت.

دكتۆر رۆشێل والێنسكى، ریڤه‌به‌رێ سه‌نته‌رێ كۆنترۆلكرن و رێگرتنێ ل نه‌خۆشییان ل ئه‌مریكا دیاركر، جۆرێ نوو یێ ڤایرۆسێ كۆرۆنایێ جهێ مه‌ترسییێ یه‌ و هۆشدارى ژى ژ سه‌رهلدانا پێله‌كا نوو یا توشبوونێ ب ڤایرۆسێ كۆرۆنایا نوو دا.

ده‌رباره‌ى جۆرێن نوو یێن كۆرۆنایێ و رێگرتنێ ل به‌لاڤبوون و توشبوونێ ب جۆرێن نوو، دكتۆر ئه‌نتۆنى فاوچى دبێژیت، وان دوو رێكێن كارتێكه‌ر هه‌نه بۆ ریگرتنێ ل به‌لاڤبوونا ڤایرۆسێ كۆرۆنایا نوو‌، یا ئێكێ ئه‌وه‌ ریكارێن خۆه‌پارێزییێ بهێنه‌ تۆندكرن و یا دووێ ژى ئه‌وه‌ هه‌وێن ڤاكسیندانێ یێن بله‌ز بهێنه‌ ئه‌نجامدان.