روودانا ھاتنوچوونێ ژنا دویێ ئاشکرا کر

ژ ئەگەرێ روودانەکا ھاتنوچوونێ ل باژارێ ھەولێرێ ئاشکرا بوو کو زەلامەکێ ژنا دویێ ب نھێنی ئینایە و ژنا مەزن گۆتیە: مخابن ھەڤژینێ وێ د روودانێ دا نە مرییە.
فازل حاجی، رێڤەبەرێ راگەھاندنا ھاتنوچوونا ھەولێرێ ئاشکرا کر، چەندین رۆژان بەری نھا د روودانەکا ھاتنوچوونێ دا ل ئێک ژ جادەیێن ھەولێرێ کو دو ترۆمبێلان لێکدابوو، ھەردو شۆفێر بریندار بوون و برنە نەخۆشخانێ، پشتی وێ یەکێ کەسوکارێن ھەردو شۆفێران چووینە سەرەدانا وان.
فازل حاجی ئاشکرا ژی کر، پشتی دەمەکی کەسوکارێن وان خرڤەبووین قەرەبالغ چێبوو و خەلکێ وەسا ھزر کر شۆفێرەکێ ژ وان ژیانا خوە ژ دەست دا، لێ بابەت تشتەکێ دی بوو.
گۆت ژی: پشتی قەرەبالغێ خەلک د ھانا وان چوو و وەسا دیار بوو کو ئێک ژ وان شۆفێران ژنەک ب نھێنی ئینایە و پشتی روودانێ ھەردو ھەڤژینێن وی چووینە نەخۆشخانێ، ھەڤژینا مەزن ژی چوویە نک شۆفێرێ دی کو سەرەرای وێ یەکێ ئەو یێ سەرپێچکار بوو د روودانێ دا، لێ دەستخۆشی لێکرییە و گۆتیێ: بلا تە کوشت با باشتر بوو.