وه‌زاره‌تا ئه‌وقافی: ل مزگه‌فتان رێنمایێن ساخله‌میێ ناهێن بجهئینان

پەیڤدارێ وەزارەتا ئەوقاف و کاروبارێن ئاینی ل حوکمەتا ھەرێما کوردستانێ ئاشکراکر، رێنمایێن خوە پاراستنێ ژ پەژیکا کۆرۆنایێ ل مزگەفتان ناھێنە بجهئينان.

نەبەز کەمال، ئەڤرۆ رۆژا شەمبیێ بۆ خانی نیوز خویا كر، رێنمایێن خوە پاراستنێ ل دەسپێکێ گەلەک ب باشی ل مزگەفتان دھاتنە بجهئینان، لێ نها پشتگوهـ هاڤێتینه‌.

پەیڤدارێ وەزارەتا ئەوقافێ دیار ژی كر، وەزارەتا ئەوقافێ ب ھەڤکاری ل گەل وەزارەتا ساخلەمیێ رێنمایێن خوە پاراستنێ ل سەر خەلکی بەلاڤکربوون و ب رێکا گوتاربێژان ژی، لێ ھشیاریا خوە پاراستنێ گەلەک یا لاوازە و نها  بجهنائینن.

نەبەز كه‌مال گۆت ژی: ھەر بریارەکا دەربارەی مزگەفتان بھێتەدان دێ ژ لژنا بەرھنگاربوونا کۆرۆنایێ دەرکەڤیت.

خانی نیوز، سالار محەمەد دۆسکی