ساخله‌می: كۆرۆنایا نوو ل دهۆكێ نینه‌

پەیڤدارێ رێڤەبەریا گشتی یا ساخلەمیا دھۆکێ بۆ خانی نیوز دیارکر، نها  ب تنێ ٢٩ نەخۆشیێن کۆرۆنایێ ل ناڤا نەخۆشخانەیێن وان دا چارەسەریێ وەردگرن.

حەمزە موحەمەد عەلی بۆ خانی نیوز دیارکر، ئەو حالەتێن ھاتینە راگەھاندن یێن کۆرۆنایا نوو چ ژ وان نەیێن دھۆکێ نە.

حەمزە رەزیکی دیارکر ژی  نها ب تنێ ٢٩ نەخۆشێن کۆرۆنایێ ل نەخوشخانەیێن وان هه‌نه‌ و رەوشا ١١ ژ وان نەیا جیگیره‌ و ھەژدە ژى ئوکسجینى وه‌ردگرن.

ژبو وان کەسێن ژ دەرڤەیی وەلاتی دھێن پەیڤدارێ ساخلەمیا دھۆکێ راگەھاند، ئەو ل دەرگەھێن سنۆری  پشکنینان بوو ھەر کەسەکی دکەن یێن ژ دەرڤەیی وەلاتی دھێن و سۆزنامێ ژی وەردگرن بۆ ده‌مێ ١٤ رۆژان خوە کەرەنتینە بکەت و پاشى دوباره‌ پشکنینا پشتراستبوونێ بۆ دھێتە كرن ڤە.