مەسرور بارزانی و مستەفا كازمی: دڤێت ئاریشەیێن هەولێر و بەغدا دچارچووڤێ دەستووریدا بهێنە چارەسەركرن

مەسرور بارزانی، سەرۆكێ حكومەتا هەرێما كوردستانێ پێشوازی ل مستەفا كازمی، سەرۆكوەزیرێن پێشتر یێ عیراقێ كر.

د دیدارا واندا، ڕەوشا گشتییا عیراقێ و دەڤەرێ و پەیوەندییێن هەرێما كوردستانێ و حكومەتا فیدرال هاتنە گۆتوبێژكرن.

هەروەسا بەحسی سەرەدانا سەرۆكێ حكومەتا هەرێما كوردستانێ بۆ بەغدا و دانوستاندنێن وی دگەل بەرپرسێن بلند یێن حكومەتا فیدرال و لایەنێن سیاسی یێن عیراقێ هاتەكرن، ب مەرەما چارەسەركرنا ئاریشەیان ب شێوەیەكێ بنەرەت و دچارچووڤێ دەستووریدا.