<h2>ل دووڤ نڤیسارەكا عەلی رەزوقی لامی، ڕێڤەبەرێ نڤیسینگەها سەرۆكوەزیرێن عیراقێ كو ئاراستەیی وەزارەتا داراییا فیدرال هاتییە كرن، حكومەتا فیدرال ڕازیبوون دایە كو ژ 1ی خزیرانێ هەموو كەلوپەل ب ڕێیا دەرییێ ئیبراهیم ب سیستەمێ ئەسكۆدا بهێنە هاوردەكرن، ئەوژی پشتی بازرگان ڕێكارێن گومرگی یێن پێشوەخت تمام دكەن.</h2> <h2> پێشتر ب تنێ ڕێ ب دەرمان و خوارنی هاتبوو دان ب سیستەمێ ئەسیكۆدا ژ دەرییێ ئیبراهیم خەلیل دەربازببن، ل دووڤ بریارا نوو دێ ڕێ ب هەموو كەلوپەلان هێتە دان بهێنە دەربازكرن، بۆ ڤێ چەندێ ژی دێ پشتبەستن ل سەر كودێ 05 یێ گومركی هێتەكرن.</h2> <h2> حامی هەركی ڕێڤەبەرێ كۆمپانییا ئارك ستار یا ڤەگۆهاستنا نێڤدەولەتی ئاشكراكر، ل دووڤ بریارا نوو دڤێت بازرگان مامەلەیێن گومرگی پێشوەخت ب ڕێیا حكومەتا فیدرال تمام بكەن، گومرگا بارێن خۆ پێشوەخت بدەن و ل دەرییێ ئیبراهیم خەلە جۆداهییا گومرگی دێ هێتە وەرگرتن ژبلی وێ گومرگا پێشتر دایی.</h2> <h2> ژبەركو هێشتا هەولێر و بەغدا ل سەر پێناسەیا گومرگی نەگەهشتینە ڕێككەڤتنا دووماهییێ، ئەو كەلوپەلێن ب ڕێیا ئیبراهیم خەلیل دهێنە دناڤ هەرێما كوردستانێ دا، دێ ل دووڤ پێناسەیا گومرگییا هەرێمێ گومرگ ژێ هێنە وەرگرتن.</h2>
