ب تنێ چەند رۆژێن کێم ماینە بوو داوى ھاتنا دەمێ دەستنیشانکرى بوو دەرکەفتنا ھێزێن پەکەکێ و ھەڤ ھزرێن وان ژ چیایێ شنگالێ، ل دۆر وێ یهكێ قاسم شەشۆ گۆت: ههكه بوو شەر ب تنێ دێ بهرگریێ ژ خوه کەن.
قاسم شەشۆ، فهرماندارێ فەرماندەیا شنگال بۆ خانی نیوز دیارکر کو ئەو ل ھیڤیا سەرکردایەتیا کوردستانێ نە بوو ھندێ بزانن کانێ پێگوھۆرێ وی دەمی دێ چ بیت یێ کو بوو ھێزێن پەکەکێ و ھەڤ ھزرێن وێ ھاتیە دانان ههكه شنگالێ چوول نەکەن.
قاسم شەشۆ ئاماژە ب وێ یهكێ ژی کر کو پەکەکێ و حەشدا شەعبی ھێزێن خوە زێدەکرینە و گۆت: پێدڤی بوو ئەو ھێزێن کو پێدڤى بوو شنگال بجهـ ھێلابا لێ د نها دا بەرۆڤاژی وێ یهكێ دھێتەکرن، ب تایبەتی پەکەکێ ھێزێن خوە زێدەکرینە و لڤینێن خوە ل شنگالێ گەرمتر لێکرینە.
شەشۆ ئاشكرا ژى كر، ههكه ھات و شەرەکێ نەخواستی ل شنگالێ روودا ئەو ب تنێ دێ بهرگریێ ژ خوە کەن نە زێدەتر.
