<h3 style="text-align: justify;"><span style="font-size: 18pt;"><strong>لژنه‌یا دارایی ل جڤاتا نوێنه‌رێن ئیراقێ، رێکارێن ئامادەکرنا پرۆژێ یاسایا بۆدجەیا ساڵا (2021) داوى ئینا و بڕیاره ئه‌ڤ حه‌فتییه ده‌نگ ل سه‌ر بهێته دان. </strong><strong> </strong></span></h3> <h3 style="text-align: justify;"><span style="font-size: 18pt;">ژێده‌ره‌كى ژ لژنا دارایى بۆ میدیایێن ئیراقى راگه‌هاندییه، لژنێ ره‌شنڤیسا پرۆژه یاسایا بۆدجه‌یا گشتییا ئیراقێ بۆ سالا 2021ێ راده‌ستى سه‌رۆكایه‌تییا جڤاتا نوونه‌ران كرییه، بێى هندێ كو پشكا هه‌رێما كوردستانێ د پرۆژه یاسایێ دا بهێته ئیكلا كرن.</span></h3> <h3 style="text-align: justify;"><span style="font-size: 18pt;">ب گۆتنا ژێده‌ره‌كى ژ سه‌رۆكایه‌تییا جڤاتا نوونه‌رێن ئیراقێ، دێ ژڤانه‌كێ ژبۆ ده‌نگدانێ ل سه‌ر پرۆژه یاسایێ دێ دیار كه‌ن، ئه‌گه‌ره‌كێ ب هێز ژى هه‌یه كو ڕۆژا پێنج شه‌مبى بۆ ده‌نگدانێ ل سه‌ر پرۆژه یاسایێ بهێته دیاركرن.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه ئێڤارییا ئه‌ڤرۆ دووشه‌مبى 22-2-2021ێ قوباد تاله‌بانى جێگرێ سه‌رۆكێ حكومه‌تا هه‌رێما كوردستانێ و شانده‌كێ دگه‌ل دا ژ وه‌زیر و به‌رپرسێن حكومه‌تێ دێ سه‌ره‌دانا به‌غدایێ كه‌ن، بۆ گۆتوبێژان ده‌رباره‌یى ئاریشێن هه‌لاویستیێن دناڤبه‌را هه‌ولێر و به‌غدایێ دا و ب تایبه‌ت پشكا هه‌رێمێ ژ بودجه‌ى، دێ گه‌ڕه‌كا نوو یا دانوستاندنان كه‌ن كو ئارمانج ژێ بگه‌هنه رێككه‌فتنا داویێ .</span></h3> <h3 style="text-align: justify;"></h3> <h3 style="text-align: justify;"></h3> <h3 style="text-align: justify;"></h3>
