دەرھێنەرەکێ باژێرێ دھۆکێ دیارکر کو مژوولی دروستکرنا کورتە فلمەکی یە ل سەر پەنابەران کو ل وەلاتێ ھولەندان ھاتیە وێنەکرن و نوکە ئەو کورتە فلم ل قوناغا مونتاژکرنێ دایە.
وەلید تاھر دەرھێنەرێ فلمێ ناڤبری بۆ خانی نیوز گۆت: ئەف کورتە فلمە تایبەت ل سەر پەنابەران ل وەلاتێ ھولەندا و چیرۆکا فلمی ژ نڤێسینا (دەنیز)ە کو خەلکێ وەلاتێ ھولەندایە، چیرۆکا فلمی ل سەر وێ یە کو ژیان ڤی وەلاتی ب چ رەنگە و پشتەڤانیا خەلکێ ھولەندا دخازیت، عورفان حازم بکارێ مونتاژکرنێ رابوویە، مۆزیکا فلمی ژلایێ نزار سەعید ڤە ھاتیەدانان، بەرھەمێ کومپانیەکا ھولەندی یە.
دەرھێنەرێ فلمی ئەو ژی دیارکر کو ئەکتەرێ سەرەکیێ فلم بالیوزێ پەنابەرانە ل وەلاتێ ھولەندا، ھەمان دەم ئەکتەرێن وەلاتێن (ھولەندی، فەلەستین، ئیرانی) گەلەک وەلاتان پشکداری تێدا کریە، فلم نوکە ل قوناغا مونتاژکرنێ دایە.
خانی نیوز، سالار محەمەد دۆسکی
