سه‌رۆكایه‌تییا هه‌رێما كوردستانێ به‌لاڤكریه: پشتى نیڤرۆ یا ئەڤڕۆ دووشەمبى 2021-2-22 نێچیرڤان بارزانى سەرۆکێ هەرێما کوردستانێ، پێشوازى ل مایکل ڕێنتەنار، باڵیۆزێ هۆڵەندا ل ئیراقێ کر.
د كۆمبوونێدا پەیوەندیێن هەرێما کوردستانێ و ئیراقێ ل گەڵ هۆڵەندا گۆتوبێژكرن، دەرفەتا وەبەرهێنان و سەرمایەگوزارییا بیانى ل هەرێما کوردستانێ و ئیراقێ، و ڕۆڵێ هۆڵەندا ل چوارچوڤێ هه‌ڤپەیمانییا ناڤدەوڵەتی دژى داعش، گۆتوبێژێن هەولێر ـ بەغدا بۆ چارەسەرکرنا ئاریشان و پشکا هەرێما کوردستانێ د بودجەیا گشتییا ئیراقێ هاتنه گۆتوبێژكرن.
سەرۆک نێچیرڤان بارزانى سوپاسییا بالیۆزى كرییه بۆ پشته‌ڤانى و هه‌ڤكارییا هۆڵەندا د چارچۆڤێ هه‌ڤپەیمانییا ناڤدەوڵەتییا دژى داعشێ، دووپاتى کرژى کو بۆ ڕەخساندنا زەمینەیەکا باشتر بۆ ڕاکێشانا وەبەرهێنان و سەرمایەگوزارییا بیانى بۆ ئیراقێ و هەرێما کوردستانێ، ئاسانکارى و یاسایێن هاندەر و چاککردنا ره‌وشا بانکداریێ پێدڤییه و پێنگاڤێن باشتر بهێنه هاڤێژتن.
د كۆمبوونێ دا هانز ئاکەربووم، کونسوڵێ گشتیێ هۆڵەندا ل هەرێما کوردستانێ ئامادەببوو، ره‌وشا ڕۆژنامەگەریێ و ئازادییا ڕادەبڕینێ ل ئیراقێ و هەرێما کوردستانێ، هەڵبژارتنێن داهاتیێن ئیراقێ و گرنگییا ڕۆڵێ چاڤدێرییا نەتەوێن ئێکگرتى و ئێکه‌تییا ئەورووپا و کۆمەڵگەها ناڤدەوڵەتى د هەڵبژارتنان دا، و پرۆسەیا چاکسازییێ ل ئیراقێ و هەرێما کوردستانێ، و پاراستنا ئارامى و سەقامگیرییێ ل عێراقێ و ڕێکار و بزاڤ بۆ باشترکرنا ره‌وشا ئابوورییا ئیراقێ و چەند پرسه‌كێن دی كو جهێ پیته‌پێدانا هه‌ڤپشك بوون ئێخستنه به‌ر گۆتوبێژان.
