گوندێ شاجا ل سنورێ ئامێدیێ هاتە تۆپبارانکرن

ئەڤرۆ ئێڤاری فروکه‌یێن شەرکەرێن تورکیا بارەگایێن پارتییا كرێكارێن كوردستانێ په‌كه‌كێ ل گوندێ شاجا ل دەڤەرا رێکان ل سنورێ ده‌ڤه‌ردارییا ئامێدیێ تۆپباران کر .

وه‌لاتیەکێ کۆمەلگەها سیریێ بۆ خانی نیوز دا دیارکرن: ئەڤرۆ ئێڤاری گوندێ شاجا یێ سەر ب دەڤەرا رێکان ب دژواری هاتە تۆپبارانکرن.

گۆت ژى: تۆپبارانێ هیچ زیانه‌كا گیانى نه‌بوویه‌.

هەژی گۆتنێ یە گوندێ شاجا ژ به‌ر شه‌رێ په‌كه‌كێ و توركیا ژ سالا 1988ـێ و هه‌تا ڤالایه‌ و كه‌س دناڤ دا ناژیت و دكه‌ڤیته‌ پشتاگەلیێ بالندا خه‌لكێ وێ نه‌شاینه‌ مفاى ژ زه‌ڤی و بیساتێن خوه‌ وه‌رگرن.

خانى نیوز، سامى رێكانى