نێچیرڤان بارزانی، سهرۆكێ ههرێما كوردستانێ، د كۆمبوونهكێ دا دگهڵ جێگرێ وهزیرێ دهرڤهیێ ئهرمینیا راگههاند، ڤهكرنا باڵیۆزخانەیا ئەرمەنستانێ ل بەغدا و كونسوڵخانەیا گشتی ل هەولێرێ و ناڤەندهكا ڕۆشنبیرییا ئەرمەنی ل كەڵا هەولێرێ، دگەڵ كاركرن بۆ ڤهكرنا گەشتا ڕاستەوخۆ یا ئاسمانی ل بەغدا و هەولێرێ بۆ یەریڤانێ، پێنگاڤێن باش ژى هاڤێتینه ب پهیوهندیێن ئیراقێ و ههرێما كوردستانێ ل گهل ئهرمهنستانێ و خۆشحالییا خوه ژى ب ڤێ پێنگاڤێ دهربرى.
د كۆمبوونێ دا كو باڵیۆزێ ئەرمەنستانێ ل بەغدا و كونسوڵێ گشتیێ ئهوى وڵاتى ل هەولێرێ ئامادەبوون، گۆتوبێژێن سیاسی و دیپلۆماسیێن جێگرێ وەزیرێ دەرڤهیێ ئەرمەنستانێ ل بەغدا كرن، گهشهكرنا پەیوەندیێن هەرێما كوردستانێ و ئیراقێ دگەڵ ئەرمەنستانێ، ڤهكرنا باڵیۆزخانەیان ل بەغدا و كونسوڵخانەیا گشتی ل هەولێر، پەیوەندیێن دناڤبهرا هەردوولا ب تایبەتی د بوارێن خوێندنا زانكۆیێ، تەكنەلۆژیا و چاندنێ، رهوشا ڕەڤەندێن كوردی ل ئەرمەنستانێ و پێكهاتەیێن ئەرمەن ل هەرێما كوردستانێ، هاتنه گۆتوبێژكرن.
جێگرێ وەزیرێ دەرڤهیێ ئەرمەنستانێ خواست وڵاتێ وى زێدهتر ب پەیوندیێن دگەڵ هەرێما كوردستانێ د هەموو بواراندا دووپات كر و سوپاسییا هەرێما كوردستانێ كر بۆ ئەوێ گرنگییا ب پێكهاتەیێن ئەرمەن هاتییه كرن كو شیاینه ل پەرلەمانێ كوردستانێ نوونەرایەتییا خوه بكهن و كەنیسەیان ڤهكهن و مافێن وان بهێنه پاراستن.
