بریاردەرێ لژنا ڕەوشەنبیری و وەرزشێ ل پەرلەمانێ کوردستانێ گۆت: ئەو ل گەل ناڤەندێن وەرزشی و کەسانێن پسپۆر د هەوڵدانە بۆ نڤیسینا پرۆژەیاساییەکی تایبەت ب وەرزشا هەرێما کوردستانێ.
موحسین دۆسکی، بۆ خانی نیوز گۆت: ژبەرکو وەرزشا هەرێما کوردستانێ بێ یاسایە ئەو دخوازن د ڤێ خۆلا پەرلەمانی دا یاسایەکێ بۆ وەرزشا هەرێما کوردستانێ دانن.
دیارژی کر، نها ئەو چاڤەرێی رەشنڤیسێ ناڤەندێن وەرزشینە، داکو وێ ڕەشنڤیسێ باشتر دیراسەت کەن و ب ئامادەبوونا پسپۆرێن بیاڤێ وەرزشی یاسایەکێ دانن و ل پەرلەمانی دەنگ ل سەر بهێتە دان.
خانی نیوز، کاروان باعەدری
