وه‌زاره‌تا چاندنا هه‌رێمێ ئینانا مریشكێن به‌ستى قه‌ده‌غه‌كر

وه‌زاره‌تا چاندنا هه‌رێما كوردستانێ ئه‌ڤرۆ پێنجشه‌مبى 25 شوباتێ 2021ێ چه‌ند بریاره‌كدان سه‌باره‌ت به‌رهه‌مێ نافخۆییێ په‌له‌وه‌ران و قه‌ده‌غه‌یا ئینانا مریشكێن به‌ستى.

وه‌زاره‌تێ د راگه‌هاندنه‌كێ دا گۆت: وه‌زاره‌تا چاندنا هه‌رێما كوردستانێ بریاردا كو مریشكێن به‌ستى نه‌هێنه‌ د ناڤ هه‌موو هه‌رێما كوردستانێ دا، و دێ هه‌وه‌كا سه‌رتاسه‌رى ب سه‌رپه‌رشتییا وه‌زیرا چاندنێ هێته‌ كرن، داكو به‌رهه‌مێ قه‌چاغ د ناڤ بازارێن نافخوه‌یی دا نه‌هێته‌ ڤه‌شارتن.

وه‌زاره‌تێ داكۆكى ل سه‌ر هندێ كر، كو دێ هه‌وه‌كا راگه‌هاندنێ هێته‌ ئه‌نجامدان بۆ نیاسینا (الستيكر و الباركود)ێ تایبه‌ت ب به‌رهه‌مێ نافخوه‌یى ڤه‌ ئه‌وێ كو دێ چیته‌ د بیاڤێ جێبه‌جێكرنێ دا و ل نێزیكترین ده‌مدا، ئه‌ڤه‌ ژى دێ بیته‌ هاریكاره‌ك بۆ پاراستنا به‌رهه‌مێ نافخوه‌یى كو خودان كوالیتییه‌كا بلنده‌ و ب بهایه‌كێ گونجایه ل ناڤ بازارێن هه‌رێمێ. ‌

هه‌روه‌سا دیاركر ژى كو ئه‌و دێ چاره‌یان بۆ هه‌موو ئاریشان بینن ئه‌وێن پێشه‌سازییا په‌له‌وه‌ران تووش دبیتێ و ب تایبه‌ت پرۆژه‌یێ مریشكێن گۆشتى و كارگه‌هێن ئالفى و سه‌ربران، و پێدڤیاتییا هه‌بوونا هێزا كاره‌بێ بۆ پرۆژه‌یێن په‌له‌وه‌ران و چاندنێ.

وه‌زاره‌تێ ئاماژه‌ ب هندێ ژى دا كو ئه‌و دێ نڤیساره‌كا فه‌رمى پێشكێشى سه‌رۆكایه‌تییا وه‌زاره‌تێ كه‌ن و دێ داخواز كه‌ن كو وه‌زاره‌تێن نافخوه‌ و پێشمه‌رگه‌ و ساخله‌مى و كار و كاروبارێن جڤاكى كو به‌رهه‌مێن وان یێن نافخوه‌یى یێن گیانه‌وه‌ران و چاندنێ بكرن وه‌ك پالپشتییه‌ك بۆ به‌رهه‌مێ نافخوه‌یى.