ئه‌مریكا ده‌ست ب تۆلڤه‌كرنا هێرشا سه‌ر هه‌ولێرێ كر

ب فه‌رمانا سه‌رۆكێ ئه‌مریكا، فرۆكه‌یێن جه‌نگى یێن ئه‌مریكا گرۆپه‌كێ چه‌كدارى ل سوریێ بۆردومانكر.

ئاژانسا (ڕویته‌رز) یا بریتانى به‌لاڤكریه‌، ب فه‌رمانا جۆ بایدن، سه‌رۆكێ ئه‌مریكا فرۆكه‌یێن جه‌نگێ یێن ئه‌مریكا گرۆپه‌كێ چه‌كدارى ل سوریێ بۆردومانكر كو ب لایه‌نگرێن ئیرانێ ناسیارن.

ئاژانسێ زیانێن بۆردومانێ به‌لاڤنه‌كرینه‌ لێ باس ل وێ یه‌كێ كریه‌ كو هێرشا ئه‌سمانى یا ئه‌مریكى به‌رسڤه‌كه‌ بۆ وان هێرشێن موشه‌كی یێن ڤێ دووماهیێ كو بۆ سه‌ر هێزێن ئه‌مریكا و هه‌ڤپه‌یمانییا ناڤده‌وله‌تییا دژێ داعشێ ل سنورێ پارێزگه‌ها هه‌ولێرێ هاتینه‌ كرن.