فوئاد حسێن گه‌هشته‌ تەھرانێ

وەزیرێ دەرڤەیێ ئیراقێ ئەڤرۆ سەرەدانا تەھرانێ كر و دێ د گەل ھەڤکیفێ خوەیێ ئیرانی و مەزنە بەرپرسێن وی وەلاتی چەندین پرسێن ھەڤپشک د ناڤبەرا ھەردو وەلاتان دا گۆتوبێژ بکەت.
ئەحمەد سەحاف، پەیڤدارێ وەزارەتا دەرڤەیا ئیراقێ دوهى راگەھاند بوو، فوئاد حسێن، وەزیرێ دەرڤەیێ ئیراقێ ئەڤرۆ رۆژا شەمبی دێ ب سەرەدانەکێ چیتە تەھرانێ و دێ د گەل جەواد زەریفی، وەزیرێ دەرڤەیێ ئیرانێ و چەندین بەرپرسێن دیێن وی وەلاتی کۆم بیت.
سەحاف ئاشکرا کر، فوئاد حسێن دێ پەیوەندیێن بەغدا و تەھرانێ و چەندین پرسێن ھەڤپشک د ناڤبەرا ھەردو وەلاتان دا گۆتوبێژ کەت.
بەری دو رۆژان ژی فوئاد حسێن ب سەرەدانەکێ چووبوو ئەرەبستانا سعوودیێ و د گەل بەرپرسێن وی وەلاتی کۆم ببوو.