د. سالح عمر: رێکەفتنا ھەولێر و بەغدا پێدڤی ب رازیکرنا زۆرینەیا پەرلەمانی یە

بسپۆرەکێ زانستێن سیاسی ل زانکۆیا سەلاحەدین بۆ خانی نیوز دیارکر, پرۆسەیا سیاسی و چاوانییا سیاسەتکرنێ ل ناڤخوەیا ئیراقێ ھاتییە گوھۆرین، و سیاسەتا بەری سالا ٢٠٠٣ ل ئیراڤێ یا ب ساناھی بوو، ھەر دەما ئالیێ کوردی دچوونە بەغدا دگەل سەرۆک وەزیران رێکدکەفتن کو پترییا پەرلەمانێ دگەل دابوون و ب ساناھی کێشەیێن ھەولێر و بەغدا دھاتنە چارەکرن.

د. سالح عمر پرۆفیسۆرێ ھاریکار یێ زانستێن سیاسیی ل زانکۆیا سەلاحەدین بۆ خانی نیوز دیارکر: سیاسەتا نھا یا ئیراقێ بەرووڤاژییە، ھەر چەندە کورد دگەل مستەفا کازمی سەرۆک وەزیرێن ئیراقێ رێککەفتن ژی لێ پشتەڤانییا پتر ل پەرلەمانی نینە، ئالیێن دی رازی نابن و کێشەیان دروست دکەن.
د. سالح عمر ئاشکراکر ژی: د قۆناغا نھا دا پێدڤییە کورد سیاسەتا خوە دگەل ئیراقێ ب رەنگەکێ دی بکەن، دگەل ئەو گوھۆرینێن ھەین سیاسەتێ بکەن، و بزاڤێ بکەن دگەل دەستھەلاتا زۆرینە یا پەرلەمانێ ئێراقێ کۆ ئالیێ شیعیە یە دانووستاندنان بکەن و رازی بکەن، سیاسەتەکا نەرم دگەل کوتلێن سائیروون و فەتح دا ھەبیت، ژ بەرکو لێکتێنەگەھشتنەک دناڤبەرا کوردان و سائیروون و فەتح دا ھەیە، گۆت ژی: ھەر دەما لێکتێگەھشتن دناڤبەرا وان ھەر سێ ئالییان دا دروست بوو، دێ رێککەفتنا ھەولێر و بەغدا ب ساناھی بیت.
د. سالح عمر دا زانین ژی: رێکەفتنا ھەولێر و بەغدا نێزیکە، ژ بەرکو د پتریا خالێن ناکۆکیێن دناڤبەرا ھەر دو ئالییان دا لێکتێگەھشتنەک دروستبوویە.

عەبدوللا عەلی، خانی نیوز