ئیسرائیل بنگه‌هێ میلیشیا ئیرانێ مووشه‌ك بارانكر

سوپایێ ئیسرائیلێ بنگه‌هـ و باره‌گایێن میلیشیایێن سه‌ر ب ئیرانێ ڤه‌ ل دیمه‌شقا پایته‌ختێ سووریێ مووشه‌ك‌ بارانكرن.

نێرینگه‌ها سووری یا مافێن مرۆڤ راگه‌هاند، سوپایێ ئیسرائیلێ بنگه‌هـ و باره‌گایێن میلیشیێن ئیرانێ ل دیمه‌شقێ  شه‌ڤا ئێكشه‌مبى سه‌عه‌ت 10:16 خوله‌ك مووشه‌ك‌ بارانكرن و سیستەمێ بەرگریێ دژەمووشەکان یا رژێما سووریێ نه‌شیا به‌رسینگێ وان هێرشان بگریت.

نێرینگه‌ها سووری دیاركر، سوپایێ ئیسرائیل د ڤێ هێرشێ دا ب مووشەکان ناوچەیا سەید زەینەب ل باشوورێ دیمەشق کرە ئارمانج، بنگه‌هێ سەرەکی میلیشیایێن سه‌ر ب ئیرانێ و میلیشیا حزبوللا یا لوبنانی تێدانە.