پشتى گههشتنا ڤاكسینێ دژى كۆرۆنایێ بۆ ئیراقێ بریاره ل دهمهكێ نزیك پشكا ههرێما كوردستانێ ژى بگههیت.
ههمزه رهزیكی، بهرپرسێ ڕاگههاندنا ڕێڤهبهرییا گشتییا ساخلهمییا پارێزگهها دهۆكێ دیاركر، وان بهرههڤیێن تەمام بۆ گههشتنا ڤاكسینێ كۆڕۆنایێ كرینه و وان دوو بنگههـ دهستنیشانكرینه كو ل وان بنگههان دێ ڤاكسینێ دژى كۆڕۆنایێ هێته بهلاڤكرن.
بهرپرسێ ڕاگههاندنا رێڤهبهرییا گشتییا ساخلهمییا پارێزگهها دهۆكێ گۆت ژی، دگهل گههشتنا كاروانێ ئێكێ یێ ڤاكسینێ دژى كۆڕۆنایێ ئهو ل دووڤ وان پرۆتۆكۆل و ستانداردێن جیهانى یێن هاتینه دیاركرن ئهو ڤاكسین دێ ل سهر كهرتێن ساخلهمیێ یێن حكۆمی و تایبهت هێنه بهلاڤكرن ل دووڤ دا دێ ب سهر هێزێن نافخۆ و كهسێن ب تهمهن و كهسێن خودان نهخۆشیێن دووم درێژ هێنه بهلاڤكرن.
ههمزه رهزیكی دیاركر ژی، ژڤانه پشتى گههشتنا كاروانێ ئێكێ، ههژمارهكا دی یا ڤاكسینان بگههیته ههرێمێ. گۆتژی ئهگهر ڤاكسین ب شێوهیهكێ بهرفرههـ گههشتنه پارێزگهها دهۆكێ ئهو دێ ل سهر ههموو وهلاتییان بهلاڤكهن، کو وان ۳۷ بنگەهـ بۆ ڤێ چەندێ بهرههڤكرینه.
ناڤبری ل داویێ ژى گۆت، وان ئامار و داتایێن خوە بۆ وەزارەتا ساخلەمیێ فرێکرینە ، و ب دڕێژاهییا سالا ۲۰۲۱ دێ ۲۰% ژ خەلکێ پاڕێزگەها دهۆکێ دێ مفای ژ ڤاکسینی بینن و ب دەست ئێخن.
