فره‌نسا: ئه‌م هه‌ست ب ئالۆزیا ره‌وشا ئیراقێ دكه‌ین

فره‌نسا داخواز كۆمبوونه‌كا هه‌ڤپه‌یمانییا ناڤده‌وله‌تى یا شه‌رێ دژى داعشێ ب سه‌رۆكاتییا ئه‌مریكا كر ژبه‌ر دوباره‌ ده‌ركه‌فتنا وێ رێكخستنێ ل ئیراقێ.

ژان ئێف لۆدریان، وه‌زیرێ ده‌رڤه‌یێ فره‌نسا ل همبه‌رى لژنا كاروبارێن ده‌رڤه‌ ل په‌رله‌مانێ فره‌نسا راگه‌هاند، ئه‌و هه‌ست ب ئالۆزیا ره‌وشا ئیراقێ دكه‌ن و رێكخستنا تیرۆرستییا داعشێ دوباره‌ ب هێز ده‌ركه‌فتییه‌.

لۆدریان ئاشكرا كر، ئه‌و ره‌وش وێ یه‌كێ دخوازیت ئه‌و د گه‌ل حكومه‌تا ئیراقێ ژ هه‌ڤپه‌یمانیا ناڤده‌وله‌تى بخوازن كۆم ببن دا سه‌روه‌ری و سه‌قامگیرییا ئیراقێ ب هێز بێخن.

ده‌مێن بوورى رێكخستنا تیرۆرستییا داعشێ دوباره‌ ل هنده‌ك ده‌ڤه‌رێن ئیراقێ دیار بوویه‌ وب تایبه‌ت ده‌ڤه‌رێن كوردستانى یێن ده‌رڤه‌ى ئیدارا هه‌رێمێ و رۆژانه‌ هێرشان دكه‌ن.