د چەند ڕۆژێن دەربازبوویدا ڕێڤەبەرییا گشتییا هاتنوچوونا هەرێما کوردستانێ، د ڕاگەهاندنەکێ دا داخاز ژ خودان تڕۆمبێلێن بێ ژمارە کر کو سەرەدانا ڕێڤەبەریێن هاتنوچوونێ بکەن بۆ تۆمارکرنا تڕۆمبێلێن وان.
نەقیب شڤان ل ڕێڤەبەرییا هاتنوچوونا دهۆکێ تایبەت ب خانی نیوز ڕاگەهاند: ئەو داخازییا کو ژ شوفێران هاتییە کرن ژلایێ وەزارەتا ناڤخۆڤە کو سەرەدانا ڕێڤەبەریێن گشتی یێن هاتنوچوونێ ل سنورێن پاڕێزگەها خوە کەن و ئەڤە ب تنێ بۆ وێ چەندێیە کو فۆرمەکێ تژی بکەن و زانیارییان ل سەر تڕۆمبێلێن وان وەربگرن و وەک ئامار ل بەر دەستێ وان بن و وان ترومبێلان ل ڕێڤەبەریێن خوە تۆماربکەن، گۆتژی تنێ ئەو دێ تڕۆمبێلێن وان تۆمارکەن ئەو ژمارێ نادەنە وان تڕۆمبێلان.
