گڤاشێن حەشدا شەعبی ل سه‌ر کازمی به‌رده‌وامه‌

ئه‌مریکا ل سه‌ر‌ فشارێن خوه‌ یا به‌رده‌وامه‌ بۆ هەلوەشاندنا گرووپێن حەشدا شەعبی ل ئیراقێ و داخوازییا حەشدا شەعبی ژى بۆ ڤه‌كێشانا هێزێن ئەمریکا ل ئیراقێ یا بەردەوامە، چاڤدێر ژى دبێژن د نوكه‌ دا، نە حەشدا شەعبی هەلدوەشیت و نە ئەمریکا ل ئیراقێ ئەجێندایا ڤه‌کێشانێ هەیە.

ئاژانسێن جیهانی دبێژن،  میلیشیاتێن حەشدا شەعبی ل ئیراقێ ئاگربه‌ستا مه‌رجدار ل ‌گه‌ل ئه‌مریكا راگه‌هاندییه‌ و داخواز ژ مسته‌فا كازمی، سه‌رۆكوه‌زیرێن ئیراقێ کرییە داخوازا ڤه‌کێشانا هێزێن ئه‌مریكا ل ئیراقێ د ده‌می 12 هه‌یڤان دا بكه‌ت.

ل دووڤ زانیارییان، سه‌رجه‌م میلیشیاتێن شیعى ل سه‌ر هندێ رێككه‌فتینه‌ كو مسته‌فا كازمی نامه‌یه‌كێ بۆ جڤاتا ئاسایشێ بهنێرێت و تێدا دووماهى هاتنا هێزێن هه‌ڤپه‌یمانان ل ئێراقێ رابگه‌هینیت.