ئەندامێ مەکتەبا سیاسییا پەدەکەسێ، ددەتە دیارکرن، دیالۆگا دناڤبەرا پەیەنەکێ و ئەنەکەسێ ژبەر هەلبژارتنێن ئەمریکا هاتنە ڕاوەستاندن و ئەڤە دەمەکە درێژە دیالۆگێ هیچ پێنگاڤەک نەهاڤێتییە.
موسلیم محەمەد، بۆ خانی نیوز گۆت: پشتی وێ ڕاوەستاندنێ پەیەدێ ب دەرفەت دیت کو جارەکا دی رەفتارێن خۆە یێن کەڤن دووبارە بکەت و جارەکا دی ئۆفیسێن مە د سۆتن، و لەشکەرییا نەچارییا دەستپێکرن و جارەکا دی دەست ب خرابیێن خۆ کرن.
گۆتژی: سەرۆکێ شاندا پەیەنەکێ ل سەر ڕاگەهاندنێن خوە زماندرێژییان ل هەمبەر پێشمەرگەیێن رۆژ دکەت و وەسفا پێشمەرگەیێن مە ب خراپ دکەت و هەروەها وەسفا شاندەیێ مەیێ دیالۆگێ ب کرێتی ل قەلەم دان، ئەڤێ یەکێ ژی سارییەک ئێخستنە دناڤبەرا مەدا.
محەممەدی ئاماژە دا، شاندەکە ئەمریکی سەرەدانا مە کر، مە ژ وان خواستییە دڤێت ئەو کەسنە لێبۆرینێ ژمە بخوازن، چونکی ئەوان زێدەگاڤی کرینە.
نها جارەکا دی لڤ و تەڤگەرا دناڤبەرا ئەنەکەسێ و ئەمریکییان دا هەیە بۆ دووبارە دەستپێکرنا دیالۆگێ دناڤبەرا هەردوو ئالییان دا، و ئەو کارێن پەیەنەکێ دکەت نیەتەکە نەباشە، ئەم وەک ئەنەکەسە ب هەموو بیروباوەر ل سەر ئێکرێزییا گەلێ کورد د جددینە” موسلمی وەسا گۆت.
