بایدەمیر پەیامەکێ ئاراستەی کوردێن بریتانیا دکەت

عوسمان بایدەمیر سیاسەتمه‌دارێ ناڤدارێ كورد و پەرلەمانتارێ به‌رێ یێ توركیا ل سەر لیستا هەدەپێ، د پەیامه‌كا ڤیدیۆییدا داخوازێ ژ كوردێن ئاكنجیێن بەریتانیا كر ل سەرژمێرییا داهاتى دا ئاكنجیێن وه‌ڵاتى، ناڤێ خوه‌ وەكو كورد و كوردستانێ تۆمار بكەن، و ده‌ستان ژڤى مافێ مەزن به‌رنه‌ده‌ن، د ده‌مه‌كیدایه‌ ب سەدان هزار كوردان ژبه‌ر پاراستنێ گیانی خوه‌ كرییه‌ قوربان.

ئەم سیاسەتمه‌دارێ كورد د تۆماره‌كا ڤیدیۆیی دا داخواز ژ كوردێن ئاكنجیێن بەریتانیا دكه‌ت كو رژد بن ل سەر كوردبوونا خوه‌ و ب فەرمی ناڤێن خوه‌ وەكو كورد تۆمار بكەن، ئەڤه‌ ژى بۆ ڕۆژا 21ی ئادارا داهاتییه‌، كو بڕیارە سەرژمێرییا گشتییا ئاكنجیبوویێن بەریتانیا بهێته‌ ئه‌نجامدان، تێدا نەتەوە، رەگەز و بنیاتێ وه‌ڵاتییان دهێته‌ دیاركرن.

عوسمان بایدەمیر دبێژیت نێزیكى نیڤ ملیۆن كورد ل بەریتانیا دژین، به‌لێ مخابن ژمارەیەكا بەرچاڤا وان ب تورك، عەرەب یان فارس  ناڤێن وان هاتینه‌ تۆماركرن، ئه‌ڤه‌ نه‌ته‌وێن هه‌ڤسونه‌ و خودان رێزن، به‌لێ دڤێت كورد ناسناما خوە بپارێزن و ب دروستى ناسناما خۆ بنڤێسیت.