د دیدارەکێ دا باڵیۆزێ ژاپۆنێ، ستایشا هەرێما کوردستانێ کر، کو فاکتەرهکێ گرنگ یێ سەقامگیریێنه ل دهڤهرێ، جەخت ژى ل گهشهپێدانا زێدهترا پەیوەندیێن وهڵاتى و بەردەوامبوونا پشتهڤانیێ ل حکومەتا هەرێما کوردستانێ کر، ب تایبەتی بوارێ وەبەرهێنانا ژاپۆنێ ل هەرێمێ. باڵیۆزێ ژاپۆنێ، سوپاسییا حکومەتا هەرێما کوردستانێ ژى کر بۆ ئەوێ ههڤکاریێ و ئاسانکارییا پێشکەشی ئاژانس و ڕێکخراوەێن ناحکومییا ژاپۆنێ ل هەرێمێ دکهت.
سەرۆکێ حکومەتا، سوپاسییا پشتهڤانییا ژاپۆنێ بۆ هەرێما کوردستانێ كر و دووپات ژى کر، کو حکومەتا هەرێمێ، پێشوازی ل گهشهپێدانا هەمەلایەنانهیا پەیوەندیێن ل گەڵ ژاپۆنێ دکهت.
د دیدارێ دا بەرپرسێ نڤێسینگەها کونسوڵگەرییا ژاپۆنێ ل هەولێرێ ناگایاما نۆشیکۆ ئامادە بوو، سەرۆکی حکومەتێ، هیڤیا سەرکەفتنێ بۆ خواست ب ههلكهفتا تهمامبوونا کار و ئەرکێن وى ل هەرێما کوردستانێ.
