پۆلۆنیا پەروەردەكرنا زارۆكێن كەمپێن كوردستانێ ب ستویێ خوەڤه‌ گرت

كۆمەڵا هاریكاریێن جیهانی كو ڕێكخراوه‌كا نه‌حكوومییه‌ پۆڵۆنییە، ب شێوەیەكێ فەرمی بەردەوامی و گه‌شه‌پێدنا به‌رنامێ (ڤه‌گه‌راندنا هیڤیێ بۆ زارۆكان ل كوردستانێ) ڕاگەهاند.

د راگه‌هاندنه‌كێ دا نوونەرایەتیا حكوومەتا هەرێما کوردستانێ ل وه‌ڵاتی پۆڵەندا به‌لاڤكرییه‌ كو به‌رنامێ (ڤه‌گه‌راندنا هیڤیێ بۆ زارۆكان ل كوردستانێ)، ل هه‌یڤا  چریا ئێكێ یا سالا 2019ێ  ب هەماهەنگی دگەڵ ڕێكخراوا خێرخوازییا بارزانی هاتییه‌ راگەهاندن، و شیاینه‌ ب رێكا ئه‌ڤێ هەماهەنگیێ وه‌ڵاتیێن خوازیارێن پۆڵۆنیی ب شێوەیەكێ رەمزی پەروەردەكرنا زارۆكێن ناڤ كەمپێن كوردستانێ ب ستوێ خۆڤه‌ بگرن.

هەروسا ئه‌و كوژمێ پارەی كو كۆمڤه‌دكه‌ن ژ خێرخوازێن پۆڵۆنی دهێته‌ وەرگرتن و بۆ پێدڤییاتی و دەستپێكرن و بەرده‌وامبوونا خاندنا زارۆكان د ناڤ كەمپێن كوردستانێ دا، ئه‌ڤ ساله‌ ژى  دووبارە كۆمەڵا هاریكارییا جیهانی، ب شێوەیەكێ فەرمی پشتگیرییا خوه‌ دووبارە كرییه‌.