فراكسیۆنا پارتی نامەیەك ئاراستەی سەرۆكایەتییا پەرلەمانێ ئیراقێ كر

فراكسیۆنا پارتییا دیموكراتا كوردستانێ ل پەرلەمانێ ئیراقێ نامەیەك ئاراستەی سەرۆكایەتییا پەرلەمانێ ئیراقێ كر ده‌ربارەی یاسایا دادگه‌ها فیدراڵیی.

د نامەیه‌كێ دا فراكسیۆنا پارتی داخوازكرییه‌، ھەڵوێستێ ئیراقێ مێژوویی نیشتیمانی د سێ خالان دا په‌سه‌ند كه‌ن.

د خالا ئێكێ دا پارتی داخوازا جیبەجێكرنا پره‌نسیپێن ھه‌ڤپشك و ھه‌ڤسەنگ و رازیبوونێ كرییه‌ د پەسندكرنا ھەمواركرنا یاسایا دادگه‌ها بلندا ئیتیحادی. داخواز ژى كرییه‌، كو چەسپاندنا پشتبه‌ستنێ كرییه‌ د ناڤبه‌را لایەنێن سیاسیێن ناكۆك و ل دووڤ  بەرژەوەندیا بلندا نیشتیمانی.

د خاڵا دوێ دا ھاتییه‌، كورد ھه‌ڤپشكێن راستەقینەنه‌ د ڤى وه‌ڵاتى  دێرین دا، و مێژووی ژى دێ ل نزیك جەخت كه‌ت ل سەر هندێ كو  كورد ھۆكارێ سەقامگیرییا نیشتیمانی بوونە و چێنابیت سیاسەتا فەرامۆشكرن و پەراوێزكرنێ بهێته‌ په‌یره‌و كرن.

 د خالا سێێ دا ژى هاتییه‌، كو ئه‌م داخوازا دابینكرنا مافێن خوه‌ دكه‌ین، و دروستكرن و پێكهاتنا دادگه‌هێ ب كۆما ده‌نگان و دادوه‌رییا بنه‌رەتى بیت و به‌رۆڤاژى ژى هه‌موو ئه‌وێن پشكداریێ دكه‌ن به‌پرسیاره‌تییا مێژوویی هه‌لدگرن.

د داوییا نامێ دا هاتییه‌، داخوازێ ژ گشت لایه‌نان دكه‌ین كو دلنیابن ژ یاسایێ و ده‌ستوورى بچه‌سپینن، كو پێكڤه‌ ژیانا هه‌ڤپشكا د ناڤبه‌را وه‌لاتیێن گه‌لێ ئیراقێ دا ب هه‌موو پێكهاته‌یان ب هێز دكه‌ت.