کازمی نەورۆز ل نێچیرڤان بارزانی پیرۆز کر

سەرۆکوەزیرێن ئیراقێ د پەیوەندییەکا تێلەفۆنی دا جەژنا نەورۆزێ ل سەرۆکێ ھەرێما کوردستانێ پیرۆز کر.
نێچیرڤان بارزانی، سەرۆکێ ھەرێما کوردستانێ پەیوەندییەکا تێلەفۆنی ژ مستەفا کازمی، سەرۆکوەزیرێن ئیراقێ پێگەھشت.
د پەیوەندییا تێلەفۆنی دا کازمی پیرۆزباھیێن جەژنا نەورۆزێ و سەرسالا کوردی ل نێچیرڤان بارزانی کرن و ھیڤیا جەژنەکا ئارام و سالەکا پری خۆشی و سەرکەفتن بۆ گەلێ کوردستانێ خواست.
ژ ئالیێ خوەڤە نێچیرڤان بارزانی سوپاسییا کازمی کر و ھیڤیا ئارامی و سەقامگیری و چارەکرنا کێشەیان و دەربازبوون ژ قەیرانان بۆ ئیراقێ خواست.