ئامه‌د.. توركیا 100 پشكدارێن ئاهه‌نگا نه‌ورۆزێ ده‌سته‌سه‌ركرن

توركیا نێزیكی 100 كه‌سێن پشكداری د ئاهه‌نگا نه‌ورۆزا باژارێ ئامه‌دێ دا كرین ده‌سته‌سه‌ركرن، كو ژیێ دو ژوان كێمتر بو ژ 12 سالان.

پشتی ب داویهاتنا رێوره‌سمێن ئاهه‌نگا نه‌وروزێ ل باژارێ ئامه‌د یێ باكورێ كوردستانێ، هه‌ژماره‌كا كه‌سان هاتنه‌ ده‌سته‌سه‌ركرن ب تۆمه‌تا گۆتن و بلندكرنا درووشمان ژبۆ ئازادكرنا عه‌بدولا ئۆجه‌لان، رێبه‌رێ پارتا كرێكارێن كوردستانێ، په‌كه‌كێ یێ ده‌سته‌سه‌ركری.

پێشتر ژی په‌رله‌مانتارێ هه‌ده‌پێ فه‌رهاد ئه‌نجۆ تایبه‌ت بۆ خانی نیوز دیاركربوو، كو دێ نه‌ورۆزا ئه‌ڤ ساله‌ جودا بیت و ب ملیۆنان خه‌لك و سیاسه‌تمه‌دارێن هه‌موو پارتێن كوردستانێ دگه‌ل هنده‌ك پارتێن بیانی یێن ژده‌رڤه‌ی توركیا به‌ژداری ئاهنگا نه‌ورۆزا ئه‌ڤ ساله‌ بن.

د ئاهه‌نگا ملیۆنی یا باژارێ ئامه‌دێ دا په‌روین بۆلدان، هه‌ڤسه‌رۆكا هه‌ده‌پێ په‌یڤه‌ك پێشكێشكر و ئاماژه‌ ب فشارێن وه‌لاتێ توركیا كر كو د نها دا هه‌ولێن داخستنا پارتا هه‌ده‌بێ ب شێوه‌كێ ئیكجاری ل وه‌لاتێ توركیا دهێنه‌ كرن.