په‌یڤدارێ قوباد تالەبانی: پشكا هه‌رێمێ ئه‌گه‌رێ گیرۆبوونا بریاردانێ نینه‌

 په‌یڤدارێ جێگرێ سه‌رۆكێ حكومه‌تا هه‌رێما كوردستانێ قوباد تاله‌بانى، ئه‌ڤرۆ پێنجشه‌مبى راگه‌هاند، حكومه‌تا هه‌رێمێ سێ رێككه‌فتن دگه‌ل حكومه‌تا ئیتحادى كرینه‌ و ب تایبه‌ت ئه‌وێن گرێدایى مافێن دارایى د كێمتر ژ ساله‌كێ، و ئاماژه‌ دا ژى كو پشكا هه‌رێما كوردستانێ د پرۆژه‌ یاسایا سالا 2021ێ دا ئه‌گه‌رێ گیرۆبوونا بریاردانێ نینه‌.

سه‌میر هه‌ورامى ئاماژه‌ دا، لژنا دارایى ل جڤاتا نوونه‌رێن ئیراقێ رازیبوون ل سه‌ر ماددەیا تایبه‌ت ب پشكا هه‌رێما كوردستانێ ڤه دایه‌‌، ژبه‌ر هندێ ئه‌و نه‌ ئه‌گه‌رێ گیرووبوونا بریاردانا بودجه‌یه‌، و هه‌ر ده‌ما پێدڤى ژى كر شاندێ هه‌رێما كوردستانێ دێ سه‌ره‌دانا به‌غدا كه‌تن.

هه‌ورامى روونكر ژى،  د پرۆژه‌ یاسایا بودجه‌یا گشتى دا دوو پێشنیار گرێدایى مافێن دارا یی یێن هه‌رێمێنه‌، ئێك ژوان پێشنیارا حكومه‌تا ئیراقێ، و پێشنیارا لیژنا دارایى، و فراكسیۆنێن په‌رله‌مانى، و چ ژ وان ل سه‌ر رازیببن حكومه‌تا هه‌رێمێ دێ یا پێگیر بیت ب جێبه‌جێكرنێ.